مطعم فاتو الايطالي من أجمل والذ المطاعم في البحرين الشقيقة أنصح جميع زوار البحرين بزيارة المطعم ، أصناف متعددة واطباق جدا لذيذة وله زيارة قريبآ ب اذن الله ♥️♥️.
مطعم فاتو الايطالي ؛ البحرين
.
باستا البيني .. طبعا دايم اقول لكم ان البيني باستا هي خياري
المفضل .. لذلك لما ازور مطعم ايطالي للمرة الاولى احب اطلبها
.. طبعا هنا نشوف البيني تجي بالصوص التقليدي الميكس و الدجاج
و الماشروم و بعدين يجون ينثرون فوقها بارميزان يملحها زيادة . .
.
ما بقول وااااو روعه مافي منها بس بقول تعتبر باستا ناجحة بكل
المقاييس يعني الصوص ما هو كريمي جبني و لا الدجاج زفر
و لا الماشروم سيء .. كل شيء فيها عال العال و يقدمونها
في المقلاة .. و اذا كلتوها يجيك من تحت طعم حلو كأنه
شيء محموس ????.. انا هاجسي هالحمسات ياخي ????.. .
.
.
اتوقع سعرها ٥٠ ريال .. تستحق الطلب و اتوقع قياسا
عليها باقي الباستات بتكون في مستواها ✋????
ــــــــــــــــــــــــــــــــــــ
التقرير الاول للمتابعين
لذيذ جدا كنت فيه امس و عجبني اكله طلع تابع لمطعم
ليلو المشهور نفس المالك الجار الله
ــــــــــــــــــــــــــــــــ
التقرير الثانى للمتابعين
???? طلبت باستا على لحم ،، من الريحه ماقدرت
اكلها بس كلت حبتين مكرونه و تركتها ،، مع ان
الصوص مش بطال بس الريحه
ـــــــــــــــــــــــــــــــــــــــــ
التقرير الثالث للمتابعين
من المطاعم الايطالية الجديدة في #البحرين .. المطعم
كاجوال دايننق و جوووه بطططل و جلساته كوول و ديكوراته
مميزة و البيتزا عنده روووعه لأنها عا لحطب.. اذا رحتوا له
لازم تطلبون بيتزا و اللي قدامكم هذي بيتزا الدجاج و البيكون
بصوص الطماطم و فيها بصل معطيها طعمين طعم البيتزا
الايطاليه مع الامريكية الاسعار فوق المتوسط .
ــــــــــــــــــــــــــــــــــــــــــــــ
جميع الحقوق محفوظة لموقع مطاعم و كافيهات الخليج © 2024 - Privacy Policy - اعلن معنا
